قاسي يا زمن ...

ومن قسوتك صرت هاوي هموم وحزن
صار عادي الجفا غريب الشوق ومستحيل اللي يحن

قاسي يا زمن ...

ناحت هالصدور بصوتها المقهور
من ويل القلوب اللي أمست قبور
بوسطها رماد الود غدى منثور
يا حظي المكسور
ياكيف يجبر كسرك المكسور؟

قاسي يا زمن ...

صار الحب لوحه ثمينة
طلابها يقطع ألف مينا
وش السبب ؟؟
يعلقها على الجدار
ومع الوقت يبلاها الغبار
ليه وش اللي صار؟
مجرد زينه تغطي عيوب الجدار

قاسي يا زمن ...

يا شمس الحزن غيبي هجيرك جفف عروق الفرح فيني
وينك ياقمر نجدي ودي اسامرك ودي اروي مسافات الجفاف اللي غدت بينك وبيني
بدموع الفرح
ودي اكسر برواز الحزن اللي يحتويني
ودي اركب فولكي وارحل من هالعذاب
اقطع كم مدينه
وانسى كم كانت حزينه
هالمدينه
ودي و ودي ...
ياكثر الأمنيات
لكن لحظه !!!
وش بيتغير بتغيير المكان؟ الزمن هو الزمن
والزمن آآآه
**************************************************
هذي اول مشاركه واتمنى تعجبكم
:) :)

صح لسانك اخوي والله يعطيك العافية كلمات اكثر من رائعة

بإنتظار باقي مشاركاتك وابداعاتك الادبية .

هلا اخوي الماسي
فعلا كلماتك مثل الاماس
اشكرك على هالمشاركه الرائعه
ونتمنى منك الاستمرار معنا