السلام عليكم ورحمة الله وبركاته

درس التعامل مع الإحداثيان السيني والصادي في الأكشن سكريبت

درس حلو وسهل ومعقد في نفس الوقت j& j&
هذا مثال الدرس

WIDTH=550 HEIGHT=400

الدرس والمثال والملف المفتوح للتطبيقات موجودة في الملف المرفق وأي ملاحظة
أو إستفسار إن شاء الله ما أقصر

سلملم .....

الملف المرفق

وهذا الملف المفتوح للتطبيق

آآآآآآآآسف

جزاك الله الف خير اخوي المتعلم2004

راح اكون اول واحد من تلامذتك

والحين انا بشوف الدرس وبإذن الله احط تطبيقي

ومشكور وما تقصر

تحياتي

يا هلا أخوي فاشل بفلاش

أشكرك على المرور

وأنتظر تطبيقك ..

سلام

بارك الله فيك اخي المعلم وليس المتعلم ~o

جزاك الله خير اخوي المعلم

بس اخوي انا مبتدأ في برامج التصميم وخاصة الفلاش بس ماعليك امر تقدر اتوضحلي شنو يسوي هالدرس او حق شنو يستخدم لانه مافهمت الي انت قلته عدل وشكرا

مرحباً أخوي المتعلم2004 شرح رائع ومعلومات قيمة والمطلوب تطبيقة تم تطبيقة
بعد التمحيص وان شاء الله نبدع في الاكشن على يديك ..

WIDTH=400 HEIGHT=300

الدائرة الزرقاء عملتها موفي كليب متحرك عن طريق الفريمات .. لا أعرف ربما قمت بتحركها
عن طريق الاكشن .. حاولت احركها عن طريق الاكشن ولكن دون جدوي ..

تحياتي // ولا تحرمنا جديد الاكشن والاكواد ..

b: b:

أهلا بكم جميعا

أشكرك أخي جرعان على الإطراء ولكني لا زلت أتعلم ..3: 3: وفي بداية الطريق

أخي DanGerKo بالنسبة للدرس خاص بتحريك القصاصات الفلمية وإضافة
تأثيرات عن طريق تغيير مواقعها في الفيلم بإستخدام البرمجة
... الدرس شوي متقدم لا أدري هل الشرح واضح أم لا ..
أتقن الأساسيات ثم إتجه للبرمجة وشيئا فشيئا ترى نفسك قطعت شوطا
كبيرا ... تحياتي ..

الأخ مطنوخ ما شاء الله عليك وعلى سرعة تطبيقك بالنسبة لحركة الدائرة الزرقاء
تستخدم الكود التالي :

onClipEvent(enterFrame){
_x -=10;
if (_x<0){
_x=500;
}
}

ودي اطبق بس المشكله مو فاهم شنو هذا وموفاهم شنو يعني ب(تحريك القصاصات الفلمية )
وثاني شي الدائره ولا الصاروخ ما اقدر اسويها موفي عادي واحط creat mintion twin هذا الي يخلي مثلا الكره اتحرك ليمن مكان ثاني بلا التعقيد هذا ؟؟؟؟

مشكور أخوي المتعلم 2004 على الكود الاخير .. واعجبني فية تحديد السرعة
ممكن لم انتبه له في الاكواد السابقة ..وعملت 3 سرعات فقط وهي
4 ، 8 ، 12 علشان ما نسوي ثقل في الصفحة ..

تطبيق الكود الاخير

WIDTH=350 HEIGHT=100

مزعج تطبيقات <<<< j&

بالتوفيق أخي المتعلم2004 في أكواد جديده..

==========
مرحباً أخوي DanGerKo
تحريك القصاصات الفلمية
يعني تحريك الدائرة أو الدويرة ..
وثاني شي الدائره ولا الصاروخ ما اقدر اسويها موفي عادي واحط creat mintion twin هذا الي يخلي مثلا الكره اتحرك ليمن مكان ثاني بلا التعقيد هذا ؟؟؟؟
تقدر .. بس كذا ما تعلمت أكشن ولم تفهم الاكواد ..

تحياتي للجميع //

انزين ماكو شرح حق الاكواد لانه توني مو مال مسائل رياضيات :) يعني شي خفيف ماكو علشان نفهمه بعدين نفهم القوي

ياهلا أخي مطنوخ والله إنك مبدع تطبيقات
ماشاء الله عليك

أخي DanGerKo :

أنشيئ موفي كليب وضع فيه هذا الكود

onClipEvent(enterFrame){
_x=_x+20;
}
سوي تست موفي .. حتلاحظ الموفي كليب يتحرك لليمين ليش؟؟
في الكود عينا قيمة إكس (بالأحمر) بنفس قيمته + 20 ..

مثلا كانت قيمته 10 راح تصير 30 ثم 50 ثم 70 وهكذا
مع تغيير قيمة _x الموفي كليب أو الدويرة تتحرك بسبب هذا التغيير ليشش؟

لأن تغيير موقع الكائنات في المشهد الفلاشي يعتمد على تغيير قيمة
الإكس والواي _x _y

تقدر تغيير القيم بواسطة creat mintion twin أو بواسطة الأكشن سكريب

هذا مثال على الواي وهو نفس المثال العلوي

onClipEvent(enterFrame){
_y=_y+20;
}

راح تلاحظ الإكس تعتمد على تغيير الموضع أفقيا

والواي تعتمد على تغيير الموقع عموديا

مشكور المتعلم انشاءالله بفسر كلامك وبجرب وماعليك امر انا ابي اتعلم فلاش وتوني مبتدأ شنو اسوي ابي اتعلم حق الاكشن يعني ابي انا أألف مو اسوي كوبي واحط ابي افهم شنو مكتوب او شنو قاعد يصير ممكن مساعده ويعطيك العافيه وماتقصرون شباب