المساعد الشخصي الرقمي

مشاهدة النسخة كاملة : مفترق طرق

بنت الانتفاضة
30 Jan 2005, 01:25 AM
السلام عليكم
بدي افتح موضوع بعيد عن الدروس التعليميه وشرح البرامج ....لانه في منها كتير
بس ما بعرف اذا وصلتوا لمرحله حسيتوا فيها انكم على مفترق طرق بين 2d او 3d
و وصلتوا لمرحله تهتوا فيها بين الرسم ديجيتال وبين الرسم اليدوي....
يعني احترتوا تكونوا بطريق لوكاس او بيكاسو....
وما بعرف اذا حد فيكم وصل لمرحله انه صارت غرفته او مكتبه مليانه اوراق وملفات لمقابلات لاشهر الكارتونسيت ومصممين story boards ووسير لاشهر مخرجين ومنتجين الكارتون عالميا ..وكتب الكترونيه قعدتوا ساعات تجمعوا فيها وتطبعوها على طابعات منزليه عن نجاحات وفشل هدول الناجحين في الانيماشين والجرافيكس وغيرهم ...او خزقتوا راس امين المكتبه بجامعاتكم على كتب جديده في االجرافيكس مش موجوده بالجامعه ولازم يوفروها......
يعني بعد كل هاي العجقه بتوصلوا لمرحله مش عارفين شو تعملوا ..وحتى لو قررتوا الطريق ما في حد يرشد وما في مكتبات (بالذات بفلسطين) بتجيب الكتب الى بتفيدكم وبيصير لازم تسافروا علشان تلاقوها...ولو لقيتوا الكتب ما بتلاقي حد عنده خببره منيحه يدعمك ويوجهك...بيكون الخلاص املك بالجامعه تلاقيي حد بيفهم ...بتنصدم بواقع الطلاب التعيس لدرجه انه طلاب الجرافيكس ما بيعرفوا شو يعني جرافيكس.......
كيف مممكن نتصرف بهيك حاله؟؟؟؟مشكله كبيره اذا كنت بجد بتحب الفن وعندك حلم كبير بانك تسخر قدراتك وموهبتك لاهداف كبيره وطموحات ممكن تغير كتير اشياء بعالمناالاسلامي العربي....بس هل ممكن نصبر قدام هاي العقبات...
انا ما بحب احبط حد ولا احبط حالي ..بالعكس
بس عم بدور على مواساة من الناس الي عندهم اهتمام بالمجال علشان نقدر نتخطى مرحله الجمود الي احنا او انا فيها....
يعني الي بتخيله انه مش ناقصنا دروس وشرح...الي ناقصناوضع استراتيجيه مناسبه وهدف (((واضح))
سوري اذا توهتكم او طولت عليكم
الرسام الكرتون
31 Jan 2005, 06:47 PM
بلفعل اختي انا معك بكل ما قلتيه بلفعل الواحد يبقي بمفترق الطرق

لازم للواحد يفكر كثيير قبل ما يتخد اي خطوة

انا عن نفسي افضل كل االاساليب ثنائية او ثلاتية الابعاد

انا برأي انو ما وجدت للحين المرشد والموجه الدي يدعمك للتطور وتحقيق الطموحات
المسافر
31 Jan 2005, 11:19 PM
مشكورة اختي على هذا الطرح المفيد
الا وهو وجوب تحديد الهدف ثم السعي له حتى تسهل المشقات وتتذلل العقبات

اتمنى ان ارى نقاش بناء يصقل الافكار ويجعلنا نعيد التفكير بحسباتنا

بالتوفيق
والسلام
بنت الانتفاضة
01 Feb 2005, 02:13 AM
السلام عليكم
شكرا لك اخي الرسام الكرتون.... صحيح المرشد مش موجود وهذا لسبب بسيط ادركته بعد حاله من التوهان الفظيع انه...احنا (جيلنا)هو من اوائل من طرقوا ابواب التصميم في عالمنا العربي...فبالتالي الجيل الي بعدنا رح يلاقينا مرشدين اله ولكن بحكم اسبقيتنا فلا مرشد لنا...بهيك الطريق اصعب ولكن تبقى لذه التعب ووالمثابره من اجل حلم بعيد قريب...سيصبح حقيقه باذن الله....
شكرا اخي المسافر...فعلا نقاش متل هيك ممكن يفيدنا لاسباب منها تواجد الدروس والشرح في كل مكان (كتره وقله فايده) لان من ارد الفائده يتجه مباشره لمصادر اجنبيه (اينجلش)...
وثانيا اننا بحاجه الى بناء فكر وتعلم استراتيجيه وضع خطط مدروسه وجديه لنتمكن من تعلم التصميم بصورة منظمه..
اعتقد اخواني ان ما ينقصنا هو الجديه في العمل... فقدراتنا حسب اعتقادي وكما الاحظ من خلال معرفتي ببعض المصممين الهواة جيده وربما جيده جدا ..ولكن ينقصنا الايممان بقدراتنا ... الايمان بقدره التصميم بمختلف انواعه كنوع من الفنون التي هي بدورها انعكاس عن الثقافه...
فالذي نراه عندنا..مصممم موهوب غير مثقف وبالتالي قالب من دون قلب...اطار من دون لوحه,,شعر من دون معنى..
او نرى العكس ...مثقف وغير محترف بالتصميم ...او غير جاد في تصاميمه ...يعير اهتمام للفكره بحد ذاتها ولا يضعها في قالبها المناسب...
فاين النموذج المثالي؟؟؟متى ستصبح نظرة المصمم العربي(مصمم بمعنى هاو او محترف) الى تصميمه نظره اكبار وتقدير..لا تقل عن نظرة سلفادور دالي للوحاته تقديرا ...
الذي اريد ان اصل اليه ...اننا الان (اخاطب كل من هو مهتم بمجال التصميم ) نتحمل مسؤوليه معرفتنا القليله بالمجال وضروره تعمقنا به وتعليمه للغير بعد احترافه لانه سيكون حجه علينا امام اللله ان لم نستخدمه لنصره امه اعتنقت اروع الاديان واكثرها انفتاحا وطلبا للعلم ...
...فلنتحدث هنا عن تجاربنا ..عن فشلنا ونجاحنا...
اذكر انني قرات كتاب لمخرج كارتون امريكي اسمه جين ديتش يقول فيه:
don't let a little thing like failure to stop you..
سوري على الاطاله...
الرسام الكرتون
01 Feb 2005, 01:15 PM
المشكلة اختي ايضا هي بالامكانيات مثلا انا اجيد رسم يدوي لكن وين الامكانا ت المساعدة مثلا لو اردة اعمل مشرووع ببعدين شو هي الادوات التي لازم نعتمد عليها

لازم المرشد والدليل
KingArthur
02 Feb 2005, 08:24 PM
آسف على التأخير بس كان عندي امتحان لغة عبرية نهائي...

أوكي انا من ناحيتي ما كان في اي مفترق طرق. السبب؟ منذ ان ولدت وانا لا اجيد الرسم بالبعدين ولا اعرف كيف اضع الخطوط حتى يظهر شكل ثلاثي الابعاد(ثلاثي الابعاد مرسوم ببعدين... مثل الصور افوتوجرافية وما شابه), كل ما اتقنته في البعدين هو التخطيط والsketching وهذا بالضبط هو المطلوب للثلاثي الأبعاد.
انا شخصياً اعتبر ال3d تكنولوجة المستقبل فهي تغني عن الكثير من الادوات القديمة وتُسهل عملية الAnimation بشكل لا يمكن وصفه!

من ناحية ارشاد, صحيح حاولت مرة اتكلم مع اكثر واحد عنده خبرة بالفن ولكن عندما قلت له اني بحب الفن الديجيتالي طردني من بيته(ولو ما كنت اعرف اولادة الثلاثة كان قطع لي رأسي!) ولكن الانترنت مليئة بالدروس والكتب والTraining CDs ويبقى بعد هذه الاشياء شيء واحد: الممارسة! ولا مرة اذهِلتم لما شفتوا درس بتكلم عن عمل شيء لم تستطيعوا التفكير في كيفية عمله بادوات تعرفونها 100%؟

للاشرطة التعليمية تفضل الى www.bitme.org موقعي المفضل لتعلم اي شيء(حالياً:C#)

Even though the first step is the hardest, and the last step reches the goal, the long steps on the way are -certainly- the best!

Regards
KingArthur
بنت الانتفاضة
03 Feb 2005, 12:04 AM
السلام عليكم
اخي رسام الكارتون شكرا كتير على تفاعلك ..وانا معك ..هي القصه بالنهايه بتنصب الى ضرورة وجود مرشد ...ولكن كما قلت ربما تقنيا وليس يدويا نعتبر نحن الجيل الاول..
اخي KingArthur..شكرا على الرد...شوف اخي شي كتير منيح والحمد لله انك ما وصلت لمفترق الطرق وهذا يدل على وضوح الهدف تماما عندك ..بس برجع بقولك متل ما تناقشنا من قبل حول ضرورة الرسم يدوي ...رسم حر...عارف ما رح تحس بضرورته الا لمه تتخصص بالجامعه(اذا كنت ناوي تتخصص بالمجال)...
هسه المشكله عندي اني بعشق الفن ومؤمنه فيه جدا على مختلف انواعه...يعني ما تضحكوا علي (اياكوا تضحكوا او تتهزوا) بس انا لمه اعمل تصميم ببعدين على فتوشوب مثلا بوقف وبسال حالي لو نفذت نفس فكره التصميم يدوي بيطلع نفس الاحساس ولا اكتر...يعني انا بحب الرسم ديجيتال وكتير عارفه ضرورتة وكتير بحس بجد انه لا يقل قيمه عن الفن اليدوي (مش متل صاحبك الى كان رح يقطع راسك) بس بنفس الوقت لازم اكون متاكده من قدراتي بالديجيتال...وعلشان اكون واثقه من الديجيتال لازم لازم لازم اكون واصله لمرحلة احتراف رسم يدوي,,
عارف الموضوع يعني موضوع ..احساس بقيمه الفن شو ما كان...
بالنسبه لثلاث ابعاد ....حسيت حالي مستمتعه اكتر ببعدين (بغض النظر عن الصعوبه او البساطه) بس يمكن لانه 2d اقرب للسكيتشنج باليدوي ...طبعا انا بطمح للوصول للمرحله اكون قادره اعمل بروجيكت ببعدين وثلاثه مع بعض ...يمكن مع شويه تفرغ ومراجعه حسابات ..ممكن نقدر نركز اكتر بالمجالين

شوفوا شباب....انا فتحت هاد الموضوع مش لوضع العقبات ...بس علشان نوقف شوي دقيقيه مع حالنا ونشوف شو عملنا وين احنا وشو لازم نعمل لبعدين...يعني العقبات كلها الي ذكرناها رغم اانها مزعجه ولكن مش لازم توقف بطريقنا...وعلشان نستفيد من خبرات بعض...
يعني لازم نفهم انه التصميم مش بس شرح دروس ...هو بالنهايه فن..فن برساله...
طيب بالمناسبه ..لحتى اوصل فكرتي اكتر...بتعرفوا كلمه animation شو اصلها..
هسه هي جاي من كلمه لاتينيه anima=the breath of life
بتخيل انه مصدر الكلمه بيحسسنا قديش نحنا عم بنتعلم مجال مش قليل وبحاجه لشي اكثر من التقنيات..
animation is much more than technical.....
سوري على التاخير...بتمنى نشوف الاراء ونقاشكم الهادف
KingArthur
03 Feb 2005, 05:31 PM
شو الاشياء التي لازم اعملها الآن:
1. انهي كتابة هذا الرد
2. اقرر شو اختص في الجامعة للسنة القادمة(طب, فيزياء+الكترونيكا, فيزياء + حاسوب مين عنده نصيحة؟)
3. اكمل دارسة للبسيخومتري
4. أقلل من الثري دي والتو دي والانيماتيون والسي# لاني بالامتحانات الآن
5. انام لاني نعسااااان....


سوري بعرف الرد مش مناسب كثير بس هذه هي الأشياء التي أرى ان علي عملها الآن وليس التفكير بالفن أبداً(بعرف انك طالبة فن بس للاسف انا تعليمي باتجاه ثاني...)
مجد الإسلام
04 Feb 2005, 06:22 PM
السلام عليكم .........
شكراً للأخت بنت الانتفاضة على طرح الموضوع لأنه مهم فعلاً ويشكل مشكلة بالنسبة للكثير من الناس ، وقد عاينت هذه المشكلة أنا أيضاً وما ز أعاني منها ..
ومثلما قال الأخ الرسام الكرتون يعني توجد هنالك موهبة وخبرة ابتدائية لدى الكثيرين لكن يفتقدون إلى الدعم والدليل ...

أخي KingArthur
أنا اليوم زائركم في قسم الثري دي لأني اشتقت إلى الحوار معك ، بصراحة الحوار معك ممتع شيق وغني بالفائدة ..
وبالنسبة للفرع اللي عم تفكر تختص فيه ما رح أحسن أساعدك لأني واقع في نفس الحيرة ( والله يكون في العون ) ..

تحياتي للجميع
سلام
بنت الانتفاضة
08 Feb 2005, 11:39 PM
السلام عليكم
شكرا اخيKingArthur بس انا مش طالبه فن ..على العككس
شكرا اخي مجد الاسلام
والله يوفقوا انتو الاتنين بالتوجيهي...